sa panulat ni: catherine reformado
akdang pampanitikan ng 'the philippine artisan', volume lxii no. 6, 2007

"ikubli"

halina't sumabay
sa gandang tugtugin
sa saliw ng likas na awitin

bughaw na langit ay silipin
at ngitian ang mundong umaakit

hayan si Haring araw
na tila nakakasilaw

binigyang liwanag itong kadiliman
na mumunting
mundo ko'y binabalutan

maya-maya'y pumatak
ang dalisay na tubig
nang malao'y sunud-sunod

na wari'y mga lubid
laking pasalamat sapagkat
maikukubli na rin

luhang marahan pa ang pagpatak
dito sa pisnging akin

kalimutanna nga
itong malungkot na damdamin
muli'y pagmasdan
ang gandang likas natin

damhin ang ihip
ng hanging pasanin
ang tulad kong puno
ng malungkot na saloobin