"Linalapa nila ako. At ang lalaki nila, sobra...

Wala namang dahilan para sugurin nila ako. Natutulog lang naman akong mag-isa dito sa kwarto ko at wala naman akong ginawang masama sa kanila para gawin nila 'yon. Mahimbing ang pagkakatulog ko dahil narin sa alas tres na akong nakatulog dahil magdamag kong kausap ang boyfriend ko sa telepono. Habang binabawi ko ang mga oras na hindi ko itinulog sa sapat na oras, bigla nalang silang nagsidatingan. Mga malalaking pulang langgam ang mabilis na umakyat sa aking higaan. Oo, malalaking langgam. Sobrang laki nila, mas malalaki pa sa akin. At ang sasakit nilang mangagat! Hinahawakan nila ang dalawa kong mga kamay at paa para hindi ako magpumiglas sa pagsigaw ko ng saklolo! Pero walang nakakarinig sa akin. Pinagtutulungan nila ako!..."

"Yan kasi nagagawa ng pang-iiwan mo sa akin sa ere! Tinulugan mo nanaman ako kagabi! Ang sweet mo kasi sa akin kaya lang bola lang lahat ng 'yon kaya sa panaginip lang nangyari" sagot ng boyfriend ko habang kinukwento ko ang aking pakikipaglaban sa mga malalaking langgam sa aking panaginip.